Conte: Vështirë të kapet Manchester City, 14 pikë janë shumë

14:02 | 13 Dhjetor 2017
Arbresh.info

Trajneri italian i Chelseat, Antonio Conte, e ka pranuar se do të jetë vështirë që të arrihet Manchester City.

Conte dhe Chelsea arritën fitore si mysafir ndaj Huddersfield, me rezultat 1 me 3, pas një super paraqitje nga skuadra e tij.

Ai në deklaratën pas ndeshjes tha se duhet që të jenë realist.

“Mendoj se kur e thuani të vërtetën, kjo është e vërteta”.

“Tani ne kemi 14 pikë më pak se Manchester City. Ata i kanë fituar 15 ndeshje dhe kanë barazuar në një. Në anën tjetër ne kemi humbur katër ndeshje”.

“Kur keni një konkurrues si Manchester City që secilën ndeshje fiton është e vështirë të mendosh se mund të luftosh për titull. Ne jemi Chelsea, ne jemi klub i madh, ne duhet të luftojmë”, u shpreh Conte.

City sonte mbrëma përballet me Swansea në udhëtim. /arbresh.info/